MISIÓN VISIÓN, PRINCIPIOS Y VALORES EN IDIOMA K'ICHE


 

RI QACHAK:

Uk’amik ub’e xuquje’ uwokik tz’aqat tob’anem rech uwalijisaxik, unimarisaxik ri jalajoj taq chak patan xuquje’ ri cholchak rech utzwachil pa komon, pa kunanib’al rech q’atb’al tzij xuquje’ ri man rech ta q’atb’al tzij.

 

RI KURAYIJ QAK'U'X

Ri winaq utz kik’aslemal xuquje’ kkichakuj utzwachil pa taq ri komon.  

 

UB'ANTAJIK XUQUJE' UQ'IJOLIL

Jun utzalaj ucholaj ri chak patan rech utzwachil, ri qas uk’u’xal are rilixik ri kirajawaxik ri winaq, ri alaxik pa taq ronojel ri komon aj k’iche’ab’. 

Rajawaxik kipatanixik ri winaq pa taq rulewal ri kikomon xuquje’ unik’oxik ri jalajoj taq yab’ilal. Kya’ uq’ij ri kunanib’al rech komon k’ate k’u ri’ kuya’o keb’e pa taq le ja kunanib’al rech kya’ ub’e’al kikunaxik pacha’ kub’ij ri taqanik q’atatal pa uwachulew.

 Xuquje’ ktaqex kito’ik ri winaq ruk’ ri k’amow ib’ kkib’an ri jalajoj taq wokaj q’atb’al tzij rech junam utzukuxik ri utzwachil pa taq ri komon. Xa jeri’ kwachin ri uchak xuquje’ kjeqi’ ri q’atb’al tzij rech utzwachil.

Utz ukojik ronojel ri chakub’alil rachi’l ri uwa’lijisaxik ucholaj ri chak patan rech utzwachil, junam kipatanaxik ri winaq xuquje’ kya uq’ij ri kib’antajik. 


Traducción: Academia de Lenguas Mayas de Guatemala ALMG/ Comunidad Lingüística K´iche. Año 2015.